Dant Dard Ka Desi Ilaj Hindi me

0
968

dant ke dard ka gharelu upchaar

Dant Dard Ka Ilaj:

Dard koi bhi ho asahaneey hota hai par jaadh aur dant ka dard(teeth pain) aisa hota hai jo kai baar bardasht se bahar hota hai aur ye jaadh mein kuch fasane, keeda lagane ya fir dant ke sadane se ho sakta hai.

Kai baar kuch galat khane se ya theek se safayi na karne ya jaadh mein keede lagane ke karan danto mein dard hone lagta hai. Danto mein dard ka kaaran koi bhi ho iski peeda hamare liye behad kashtkari ban jati hai. Dant aur jaadh dard mein hame badi kathnayi ka samana karna padta hai.
Yahan par hum aapko dant dard mein kuch aasaan aur desi upaayo ke bare mein bata rahe hai jisse hum dant ke dard ka gharelu upchaar kar sakate hai.

  1. Jada thandi cheejo ke sevan ke turant baad garm paani ya garm cheej ka sevan karna ya fir jada garm cheejo ke sevan ke turant baad thanda paani ya thandi cheejo ke sevan karne se dant jaldi gir jate hai ya tut jate hai.
  2. Danto aur jaadho par halke hatho se brush karna chahiye, brush ko kabhi bhi danto par kas kar nahi ragadna chaahiye. Agar aap ungali se manjan karte ho to kabhi bhi tarjani ungali (anguthe ke paas wali pehali ungali) se manjan na kare, hamesha madhyam (sabse badi) ungali se hi manjan kare. Kyunki tarjani ungali mein ek prakaar ka vidyut pravaah hota hai jiske danto mein aane par dant sheeghr hi kamajor ho jaate hai.
  3. Kuch bhi khane ke baad achi tarah se kulla jarur kare tatha kuch bhi garm cheej khane aur peene ke turant pashchaat thandi vastu ka sevan na kare.
  4. Raat ko sone se pehle achi tarah kulla karke muh ko saaf jarur kare, ya fir danto ko brush ya munjan kare.
  5. Jo mouthwash hum muh saaf aur fresh karne ke liye isteemaal karte hai usme alcohol hota hai jiski wajah se kai baar hame saanso ki badboo ki samsya bhi hone lagti hai. Aap muh se bacteria bahar nikalnev ke liye papermint oil ko paani mein daal ka russe kulla kare.
  6. Cold drink peena bhi hamare danto ke liye thik nhi hai, cold drink peene se hamare daant kamjor hone lagte hai.

Dant Ka dard jaldhi se Kaise Kare dur

1. Heeng dant dard se turant mukti dilata hai. Heeng ko mausami ke ras mein dubo kar danto mein dard ki jagah par rakhe, mausami na hone par heeng mein nembu bhi milaya ja sakta hai. Isse sheghr hi aapko dard se chhutkara mil jayega.

2. Dant ya jaadh mein tej dard hone par adarak ka chota tukda kuchal kar dard wale dant mein rakh kar muh band kar le aur dheere-dheere adarak ka ras chusate rahe. Aapko dard mein foran raahat mahasus hogi.

3. Fitkari ko tave ya lohe ki kadhayi mein paani ke saath aag par rakhe. Jab paani ubal jaye aur fitkari fool jaye to tave ko aag par se utaar le aur fitkari ko pees kar baareek churan bana le. Ab jitna fitkari ka paudar bane uska 1/4(ek chauthayi) bhaag pisi hui haldi usme mila kar lakdi ki seenkh ki nok se dant ke dard wali jagh par aur suraakh ke bheetar ye mishran bhar de. Ye bahut hi laabhkaari prayog hai. Isse aapko dant aur jaadh dard mein kuch hi minute mein aaraam milne lagega.

4. Pyaaj dant dard ke liye uttam gharelu ilaj hai. Jo log har roj kacha pyaaj khate hai unhe teeth pain ki shikayat kam hoti hai kyuki pyaaj mein kuch aise aushadheey gun hote hai jo bacteria ko nasht kar dete hai. Agar aap ke dant mein dard hai to pyaaj ke tukde ko dant ke paas rakhe ya fir pyaaj ko chabaye. Thodi der mein aapko aaraam mehasus hone lagega.

Home Remedies for Tooth Pain in Hindi

1. Jaamfal ke patto ko achi tarah chaba kar uska ras muh mein failaa kar thodi der tak rakh kar thuk dene se aur jaamfal ki chhal ko paani mein ubaal kar usse kulla karne se har tarah ke dant ke dard mein aaraam milta hai.

2. Til ke tel me peesa hua namak mila kar ungali se danto ko roj ghisane se dant ka dard dur hota hai.

3. Dant dard ka ilaj karne mein laung ka isteemaal bhi kar sakte hai. Laung danto ke sabhi bacteria ko nasht kar sakta hai. Aise mein laung ko danto ke dard ki jagah par rakhna chahiye, kuch hi der mein aapko dard mein aaraam milega. Lekin laung mein dard kam hone ki parkirya thodi dhimi hoti hai isliye iske asar karne ke liye aapko thoda dhairy rakhna padega.

4. Jaamun ke vriksh ki chhaal ka kaadha bana kar usse kulla karne se danto ke masudho ki sujan kam ho jati hai aur hilte dant bhi majabut hote hai.

5. Aksar jaadh mein keeda lagane par behut teej dard uthta hai. Aise mein amarud ke patte ka kaadha bana kar usse kulla karne se dant aur jaadh ki bhayanak tees aur dard door ho jaata hai. Paani mein amarud ke patte daal kar itna ubaale ki vo paani ubaale hue doodh ki tarah gaadha ho jaye.

6. Agar aapka koi dant gir ya tut gya hai aur usme se khoon beh rha hai to namak ke paani ke kulle kare ya fir katthe or haldi ka churan lagane se gire hue dant se blood nikalna band ho jata hai.

7. Lehasun mein antibiotic gun paye jaate hai jo aneko prakaar ke sankraman se ladne ki shamta rakhate hai. Lehasun mein alisin hota hai jo dant ke paas ke bacteria, jerms aur jeevaanu ko nasht kar deta hai. Isliye 1 faank lahasun ko sendha namak ke saath pees kar danto mein dard ki jagah par lagayenge to aap ko dard mein aaraam milega.

8. Dus gram baayvidang aur 10 gram safed fitakari thodi koot kar 3 kilo paani mein ubaale. Jab ye paani 1 kilo bach jaye tab isse chhaan kar botal mein bhar kar rakh le. Tej dard hone par din mein 2 se 3 baar is paani se kulla karne se 2 din mein hi aaraam aa jaata hai. Kuch jada din kulla karne se dant patthar ki tarah majabut ho jaate hai.

Dant ka Kida Khatam Karne ke Upay

Teeth mein agar kida lag gya ho to ek pyaj ke tukde ko kide wale dant par rakh kar 10 se 15 tak dabaye. Is upay ko din mein kai baar kare, isse kida mar jayega. Iske sath aapm pyaaj ke ras se kulla bhi kar sakte hai.

Baba Ramdev Payria ka ilaj

Danto mein payriya ho gya ho to uska treatment turant shuru kare kyuki ek daant pure jabade ko kharab kar sakta hai. Pyria ke upchar ke liye baba ramdev pyaaj ko utam ayurvedic aushadhi batate hai. Pyaaj ke ek tukde ko tave par garam karke 8 se 10 minute ke liye danto ke beech daba kar rakhe. 10 minute mein muh mein jo laar iaktthi hogi use meh mein charo aur ghumaye aur bahar thuk de. Is upay ko 10 din tak rojana 2 se 3 bar karne par pyria jad se khatam ho jayega, masudho ko majbuti milegi aur dant ke keede bhi mar jayenge.

LEAVE A REPLY

Please enter your comment!
Please enter your name here