Boys ke pimple(muhase) hatane ke gharelu nuskhe.

0
795

Pimples ek aisi problem hain jo na sirf girls ko hi hoti hain, balki yeh ladko ko bhi preshan karta hain. Inhe door karne ke liye aap gharelu nuskhe ko ajma sakte hain. Kai log aise bhi hote hain jo market mein available kai tarah ke creams ko apne chehre par lagate hain. Lekin market mein milne wali in acne creams mein chemicals paye jate hain jo aapki skin ko nuksan bhi pahucha sakte hain. Isliye aapko natural aur gharelu cheezo ke jariye hi in pimples se chhutkara paane ki koshish karni chahiye.

pimples dur karne ke desi upay

• Honey :- Shahad mein kaccha doodh mila kar pest banaye aur ise chehre par lagaye. Yeh chehre ke pimples aur scars remove karne mein help karta hain. Iske alawa Honey & milk dono hi face ko moisturize karke smooth bhi banate hain. Isse aapka chehra chamakne lagta hain aur chehre ka glow bhi badh jata hain.

• Pyaaz ka ras :- Pyaaz ka ras bahut hi useful remedy hain, Ise Olive oil ke saath mix karke face par lagane se daag-dhabbe khatm ho jate hain. Ise aap hafte mein 2 baar apne chehre par laga sakte hain. Lekin ise lagane se aapke chehre par thodi se jalan mahsoos hoti hain, Agar aapke chehre par jalan jyada ho rahi hain to turant chehre ko paani se dho le aur agli baar se is nuskhe ko na ajmaye.

• Papita :- Papita na sirf health ke liye faydemand hota hain, balki chehre se pimples mitaane mein bhi madad karta hain. Papite ko shahad ke saath mash karke chehre par lagaye. Is pest ko 15 minutes ke liye face par laga rahne de. Iske baad chehre ko gungune paani se dho le. Isse aapko pimples ki problems se nijaat to milta hi hain, saath hi aapki skin soft & shining bhi ban jati hain.

• Kheera :- Kheere ko peeskar iska paste bana le aur ise chehre par lagaye. Isse face ke daag-dhabbe door ho jayenge. Iske liye Kheere ko kaatkar isey aap mixture mein pees le. Agar aapko yeh thoda massy lage to peese huye kheere ko nichodkar iska ras nikaalkar bhi aap ise chehre par laga sakte hain.

• Multani Mitti :- Pimples se chhutkara dilaane mein Multani mitti sabse accha upay hain. Multani mitti mein Gulabjal aur Nimbu ka ras mix karke chehre par lagaye. Isse pimples jald se jald khatm hone lagte hain.

LEAVE A REPLY

Please enter your comment!
Please enter your name here